Бокс бўйича Ўзбекистон терма жамоаси ва “Uzbek Tigers” жамоасининг собиқ аъзолари Муроджон Аҳмадалиев ва Шаҳрам Ғиёсов профессионал рингдаги илк жангларини Нью-Йоркда ўтказишган эди.
Жангларда Шаҳрам Ғиёсов аргентиналик Николас Веласкесни, Муроджон Аҳмадалиев ҳам яна бир аргентиналик боксчи Давид Пазгани муддатидан олдин мағлуб этишган.
Эндиликда Шаҳрам ва Муроджоннинг профессионал боксдаги навбатдаги жанги қачон ўтказилиши аниқ бўлди.
“The Real Deal Boxing” va “Мир бокса” компаниялари томонидан ташкиллаштириладиган бокс кечаси “Kings Theater” аренасида 21 апрель куни бўлиб ўтади.
Ҳозирча ўзбекистонлик боксчиларга қайси боксчи рақиб бўлиши ҳақида аниқ маълумотлар йўқ. Бироқ, тез орада Шаҳрам ва Муроджоннинг профессионал боксдаги навбатдаги рақиблари ким бўлиши эканлиги ҳақида маълумот бериб ўтамиз.
Акмалхон Эшонхонов
