Англия кубогининг чорак финал босқичи доирасида яна бир ўйин бўлиб ўтди. «Манчестер Юнайтед» ўз майдонида «Брайтон»ни қабул қилди. Жозе Моуриньо шогирдлари бу сафар ўз мухлисларини хафа қилишмади ва ғалабани қўлга киритишди.

Меҳмонлар ўйин бошиданоқ таслим бўлиш ниятда эканликларини намойиш қила бошлашди ва рақибга жиддий қаршилик кўрсатишди. Ҳаттоки, "Брайтон" мезбонларга нисбатан кўпроқ голли вазият яратди. Манкунианликлар сафида футболчиларнинг маҳорати ўйин тақдирининг ҳал бўлишида муҳим аҳамият касб этди.

Биринчи бўлим тугашига 8 дақиқа қолганида Лукаку, ўйин тугашига 7 дақиқа қолганида Матич рақиб дарвозасини бир мартадан ишғол қилишди ва "МЮ"ни Англия кубогининг ярим финалга олиб чиқишди.

Англия кубоги, чорак финал
Манчестер Юнайтед – Брайтон 2:0 (1:0, 1:0)
18 март, 00.45, «Олд Траффорд»
Голлар: 1:0 – 37 Лукаку, 2:0 – 83 Матич.
Манчестер Юнайтед – Ромеро, Байи, Валенсия, Шоу (Янг, 46), Смоллинг, Мактомини, Лингард (Феллайни, 89), Мата (Рэшфорд, 75), Матич, Лукаку, Марсьяль.
Брайтон – Крул, Даффи, Данк, Скелотто, Зуттнер, Гросс, Проппер, Марч (Искьердо, 68), Кайяль, Локадия, Ульоа (Мюррей, 76).