Мадриднинг “Реал” клуби ҳужумчиси Криштиану Роналду 29-тур доирасида “Жирона”га қарши ўйинда ўз номига хет-трик ёзиб қўйди.

Португалиялик 33 ёшли ҳужумчи бугунги голлари билан терма жамоа ва клуб миқёсида фаолиятидаги 50- хет-трикини (бир ўйинда учта гол) амалга оширишга муваффақ бўлди.

Роналду бу натижа борасида Ла-Лигада (34) “Барселона” ҳужумчиси Лионель Мессини (28) ортда қолдирмоқда.

Месси мана 10 мавсумдирки Испания чемпионатида 20тадан кам гол урмаяпти. Роналдуда эса бу кўрсаткич 9 мартани ташкил этади.

Роналду жорий мавсум гол+пас тизимида 43 (35+8) очко билан “Реал” футболчилари орасида етакчиликни қўлга олган. Кучли учликдан Лукас Васкес (8+11) ва Карим Бензема (8+9) лар ҳам ўрин эгаллашган.