"Ливерпуль" яримҳимоячиси Муҳаммад Салоҳ ЖЧ-2018 олдидан Vodafone'нинг Миср бўлими юзи бўлди.
Шартнома декабрь ойида тузилди. Бунинг учун футболчи Мисрга бориши шарт бўлмади - "Ливерпуль" уни машғулотлардан қизғанди. Vodafone'нинг Миср бўлими ходимлари Ливерпулга келдилар.
Компания Салоҳнинг битта голи учун ҳар бир абонентига 11 дақиқадан қўшимча вақт беришни ваъда қилди (11 - футболчининг рақами). Бунинг учун мижозлар Mo Salah World тарифига уланишлари керак. Март ойи ўрталаригача Салоҳ 39 та гол урди.
Салоҳнинг гонарари номаълум, аммо у фақат Vodafone'дан пул олмайди. Бу мавсумда Uber билан ҳам шартнома имзолаган. Уч йилдан буён Pepsi'нинг расмий шахси ҳисобланади.
Миср Vodafone'ни учун Салоҳ – идеал қаҳрамон. У ҳозир Мисрда биринчи инсон. "Ливерпуль" ўйинлари куни Қоҳирада қатновлар тўхтаб қолади, ҳар бир шаҳарда 11-рақамли футболка кийганларни учратиш мумкин. Уни ватанини унутмагани учун ҳам севадилар.
• Декабрда миср фунти инқироз ёқасида эди. Валюта курсини мувофиқлаштириш учун Миср ҳукуматига пул керак бўлди. Салоҳ тезлик билан 210 минг англия фунтини ўтказиб берди.
• Салоҳ Басьюн шаҳри шифохонасини жиҳозлаш учун 12 млн миср фунти (555 минг евро) ҳадя қилди. Унинг ёрдамида жонлантириш, туғуриқ бўлимлари ва тез ёрдам бўлимлари таъмирдан чиқарилди.
• Салоҳ жонажон қишлоғи Нагигда мактаб қурди.
• ЖЧ-2018 йўлланмаси қўлга киритилганидан сўнг мисрлик тадбиркор Мамдуҳ Аббос футболчига вилла совға қилди Салоҳ буни Нагриг қишлоғи ривожи учун сарфлашни сўради.
