«Реал», «Валенсия» ва Испания терма жамоалари собиқ дарвозабони Сантьяго Канисарес ўғлидан айрилди. Бу ҳақда у ўзининг твиттердаги саҳифасида ёзиб қолдирган.
5 ёшли Санти сўнгги бир ярим йил давомида оғир касаллик билан курашиб келди. Бир неча ҳафта муқаддам унинг ҳолати ўта оғирлашгани ҳақида маълумотлар чиққанди.
«Ўғлим Санти вафот этди. Шу кунгача яхши тилаклар билдириб, қўллаб-қувватлаб турганингиз учун миннатдорчилик билдираман ва ўйлайманки, шу сабабдан ҳам бу хабарни сизга етказишимиз керак деб ҳисобладим», – деб ёзган Канисарес.
Санти Канисареснинг уч фарзандидан бири эди. Уни 2013 йилда Канисареснинг собиқ турмуш ўртоғи Майте Гарсия дунёга келтирган. Собиқ оиланинг шунингдек София исмли қизи ҳам бор.
