Кеча пойтахтимизда енгил атлетика бўйича Миллий олимпия қўмитаси соврини учун Ўзбекистон чемпионати бошланганлиги ҳақида хабар қилгандик.
Мусобақанинг биринчи кунида 17 ёшгача бўлган спортчи қизлар ўртасида босқон (3 кг) улоқтириш бўйича ўтказилган баҳсларда Ригина Адашбоева 62,64 м натижа қайд эта олди. Ригина ушбу натижаси билан Ўзбекистоннинг янги рекордини ўрнатди.
Бунгача рекорд 2014 йилда ўрнатилган бўлиб, Гулруҳсора Ҳошимова босқонни 53,54 метрга улоқтира олганди. Демак, Ригина Адашбоева бу борадаги натижани 9 метрга яхшилай олди.
Маълумот учун, Ригина Адашбоева Тошкент шаҳар, Мирзо Улуғбек туманидаги 2-БЎСМда мураббий Санжар Раҳмонов қўл остида шуғулланади.
Биз ёш спортчимиз ва унинг устозини ушбу муваффақият билан табриклаб қоламиз ва келгусида янгидан-янги зафарлар тилаймиз.
