WSB йўналишида мусоабақада иштирок этаётган Uzbek Tigers жамоасининг Колумбияга сафари саргузаштларга бой бўлган. Жамоа Жанубий Америка давлатига етиб борган заҳоти муаммоларга дуч келган.
KUN.UZ манбасининг маълум қилишича, Колумбия аэропортида жамоанинг спорт инвентарлари ортилган юклар номаълум сабаблар билан йўқолиб қолган. Колумбиялик ташкилотчилар ҳам бу борада ёрдам бера олишмаган.
Натижада жамоа вакиллари бошқа либосларда, жангларга эса одатий кроссовкаларда чиқишга мажбур бўлган. Жамоанинг -64 кг вазн тоифасида рингга чиқувчи боксчи Иқболжон Холдоровнинг Instagram ижтимоий тармоғидаги саҳифасида маълум қилишича, жамоа юклари Ўзбекистонга қайтишда яна делегация ихтиёрига етказилган.
