Мухлислар севимли футболчилари билан суратга тушиш учун ҳар нарсага тайёр турадилар.
Марокаш ва Ўзбекистон терма жамоалари ўртасидаги ўртоқлик ўйини вақтида қизиқ ҳолат юз берди. Марокаш термаси ва “Леганес” клубининг 30 ёшли футболчиси Нордин Амрабат майдонга тушиб келганида трибунада турган мухлислар ундан суратга тушишни сўрашди. Футболчи рози бўлгач, мухлислар у томонга телефонларини улоқтиришди. Амрабат эса ҳар битта телефонга мухлислар фонида суратга тушди. Бу ҳолат мухлислар учун унутилмас бўлди.
