«Манчестер Юнайтед» собиқ бош мураббийи Луи ван Гал АПЛда ишлаётган Пеп Гвардиола ва Жозе Моуриньонинг ишига баҳо берди.

«Жозе Моуринью «МЮ» бош мураббийига айланганидан ҳайрон бўлмадим. Ҳар бир мураббий «Манчестер Юнайтед»ни бошқаришни истайди. Боиси, бу жаҳондаги энг катта клублардан бири.

Жозе жамоада ишлашни истаган. Боз устига, у бу ишни «Челси» билан амалга ошириш имкониятига эга эди. У "Челси"да 13-ўринни эгаллаган бўлса, мен 4-ўринни банд этгандим. Аммо, мен уни айбламайман.

Вудворд менга айтгандики: «Матбуотда нима ёзилаётганига аҳамият қаратманг, биз ишингиздан тўла қониқиш ҳосил қиляпмиз». Биз Англия кубогида ғолиб чиқдик. Кейин эса мени истеъфога чиқаришди.

Мен учун ҳозирда АПЛнинг энг яхши мураббийи — Пеп Гвардиола. У «Ман Сити»ни машинага айлантирди. Улар шундай ўйин намойиш қилишяптики, бундай футболни мен «Манчестер Юнайтед»да жорий қилишни истагандим. Унинг ихтиёридаги футболчилар савиялироқ. «МЮ»да бу жараён кўпроқ вақтни олиши мумкин эди. Афсуски, менга бундай имконият беришмади», – деди ван Гал.