«Manchester Yunayted» sobiq bosh murabbiyi Lui van Gal APLda ishlayotgan Pep Gvardiola va Joze Mourinyoning ishiga baho berdi.

«Joze Mourinyu «MYU» bosh murabbiyiga aylanganidan hayron bo‘lmadim. Har bir murabbiy «Manchester Yunayted»ni boshqarishni istaydi. Boisi, bu jahondagi eng katta klublardan biri.

Joze jamoada ishlashni istagan. Boz ustiga, u bu ishni «Chelsi» bilan amalga oshirish imkoniyatiga ega edi. U "Chelsi"da 13-o‘rinni egallagan bo‘lsa, men 4-o‘rinni band etgandim. Ammo, men uni ayblamayman.

Vudvord menga aytgandiki: «Matbuotda nima yozilayotganiga ahamiyat qaratmang, biz ishingizdan to‘la qoniqish hosil qilyapmiz». Biz Angliya kubogida g‘olib chiqdik. Keyin esa meni iste’foga chiqarishdi.

Men uchun hozirda APLning eng yaxshi murabbiyi — Pep Gvardiola. U «Man Siti»ni mashinaga aylantirdi. Ular shunday o‘yin namoyish qilishyaptiki, bunday futbolni men «Manchester Yunayted»da joriy qilishni istagandim. Uning ixtiyoridagi futbolchilar saviyaliroq. «MYU»da bu jarayon ko‘proq vaqtni olishi mumkin edi. Afsuski, menga bunday imkoniyat berishmadi», – dedi van Gal.