Франциянинг ПСЖ клуби ҳужумчиси Неймар олган жароҳатидан тикланишда давом этмоқда.
Эслатиб ўтамиз, аввалроқ Неймар тўпиғидан олган жароҳат эвазига операция столига ётқизилгани ҳақида хабар бергандик.
Футболчининг айтишига кўра, у ўнг оёғида бироз оғриқ сезмоқда. Бразилиялик ҳужумчи клубнинг шахсий физиотерапевти назорати остида бўлиб турибди.
Тахминларга кўра, Неймар жамоага апрелнинг сўнгги кунлари қайтади. Шундай қилиб, парижликлар Франция кубоги финалига чиқадиган бўлса, Неймар 8 май куни бўлиб ўтадиган ўйинда майдонга тушиши мумкин.
