Бугун Ўзбекистон Суперлигасида 4-тур учрашувлари давом эттирилади. Куннинг энг қизиқарли ўйинларидан бири Олмалиқдаги “ОКМК” стадионида кечади. Унда мамлакатимизнинг амалдаги чемпиони – “Локомотив” АГМК жамоаси меҳмони бўлади.
Мазкур ўйин олдидан “темирйўлчилар” жамоаси етакчиларидан бири Сардор Рашидов клуб расмий сайтига ўз фикрларини билдириб ўтди:
– АГМК билан ўйинга жамоамиз жиддий тайёргарлик олиб борди. Зеро бугунги ўйинда ғалаба бизга сув ва ҳаводек зарур. Шу сабабли ҳам “Локомотив” майдонга фақат 3 очкони кўзлаган ҳолда чиқади.
Миллий терма жамоа йиғинидан сўнг “Локо” машғулотларига қайтиб келдик ва ўйинга имкон қадар яхши тайёрланишга уриндик. Умид қиламанки, бугун ўз мухлисларимизга чиройли ғалаба тақдим қила оламиз, – деди маҳоратли футболчи.
Таъкидлаб ўтамиз, АГМК – “Локомотив” ўйини соат 18:00да старт олади.
