Ла лига президенти Хавьер Тебас Испания кубоги финалида давлат мадҳиясига ҳуштакбозлик эҳтимоли ҳақида гапирди.
"Мен қоидаларга ўзгартириш киритиб, ҳакамларга ўйинни қолдириш ҳуқуқини берган бўлардим, аммо бу Ла лига эмас. Ўйин тўхтатилиши ва қолдирилиши керак, аммо бунга қонун йўл қўймайди.
Ла лига Каталония, Испания ва футболчиларга ҳақоратларни бартараф этиш учун 4,5 йил сарфлади, биз маъсулиятроқ бўлишимиз керак. Биз Испания мадҳиясига ҳуштакбозликка жим қараб тура олмаймиз, бу испан футболи обрўсини туширади. Бу миллионлаб испанлар, каталонияликлар ва "Барса" ишқибозлари учун ҳақоратдир.
Мауаммо шунда бўлиши мумкинки, одамлар бу рамзларни ҳурмат қилишни унутишди. Аммо биз давлат рамзларини ҳурмат қилишимиз керак ва бу борадаги ишларимизни давом эттирамиз", - дейди Тебас.
Испания кубоги финалида "Севилья" ва "Барселона" учрашади.
