Бугун Суперлиганинг 5-турига старт берилади ва мамлакатимизнинг икки шаҳрида иккита ўйин ўтказилади.

Биринчи ўйин Фарғонада бўлиб ўтади, маҳаллий "Нефтчи" Олмалиқнинг "АГМК" жамоасини қабул қилади. Ўтказилган 4 турдан сўнг фарғоналиклар 2 очко билан 11-ўринда боришмоқда, Тошкент вилояти вакиллари 4 очко билан 9-ўриндан жой олиб турибдилар.

Иккинчи ўйин Навоий шаҳрида бўлиб ўтади. Унда "Қизилқум" пойтахтнинг "Бунёдкор" жамоасини қабул қилади. Бу тургача навоийликлар 3 очко тўлашган ва жадвалнинг 10-ўрнида боришмоқда. "Қалдирғочлар" эса 10 очко билан Суперлигада етакчи бўлиб турибди.

Эслатиб ўтамиз, ҳар икки ўйин Sport TV телеканали орқали жонли трансляция қилинади.

Ўзбекистон Суперлигаси, 5-тур
5 апрель, пайшанба

18:30. "Нефтчи" - "АГМК"
20:00. "Қизилқум" - "Бунёдкор"