“Рома”нинг собиқ ҳужумчиси Роберто Пруццо ЕЧЛ ўйинларида нега ҳакамлар “Реал” ва “Барселона”га ён босишини айтди.

“Шуни билингки, сиз Чемпионлар лигасида испан жамоаларига қарши ўйнасангиз, асло ғалаба қозона олмайсиз. Чунки “Барселона” ва “Реал” доим Европанинг энг кучли тўртта клуби сафига кириши шарт. Бир йил олдин “Бавария”га қарши ўйиндаги хатоларни эсланг, буни Анчелотти ҳам тасдиқлаши мумкин. Видеотакрорлар футболни хатолардан тозалайди, шунинг учун ҳам испанлар унинг Европада қўлланилишини исташмайди”, деди Пруццо.

Маълумот учун, “Барселона” — “Рома” ўйинидан кейин “бўрилар” устози матчни бошқарган ҳакамлардан нолиган эди.