Ҳужумчи Ромелу Лукаку март ойи якунларига кўра "Манчестер Юнайтед"нинг энг яхши ўйинчиси деб топилди, дея хабар беради клуб расмий сайти.
24 ёшли бельгиялик 71% мухлислар овозига эга бўлди. Қолган икки номзодлар - Неманья Матич (22%) ва Эшли Янг (7%) бўлди.
"Мен учун овоз берган барча ишқибозларга раҳмат айтаман. Ўтган ой мен ва жамоа учун ажойиб ўтди. Биз яхши ўйин кўрсатдик. Мавсум охирида янада яхшироқ ўйин кўрсатмоқчимиз.
Март ойидаги энг яхши голим? Менга ҳамма голларим ёқади. Қайсидир голимни танламоқчи эмасман, келинг, бун мавсум якунига қолдирайлик", - дейди Лукаку.
