"Челси" клуби бош мураббийи Антонио Контенинг эҳтимолий истеъфоси сабабли бу вазифага номзод қидиришда давом этмоқда.
Лондонликлар "Барселона"нинг собиқ устози Луис Энрике ва "Ювентус"нинг амалдаги устози Массимилиано Аллегри билан музокара олиб борди. Ҳозирча, лондонликларнинг танлови аниқ эмас, дея хабар беради испаниялик журналист Гильем Балаге.
"Челси" бундан ташқари янги бош мураббий билан муроса қилиб ишлайдиган клубнинг техник директори номзодини аниқлаштириши керак.
"Челси"нинг мураббийлар номзодлари рўйхатида Маурицио Сарри ("Наполи"), Леонарду Жардим ("Монако") ва Томас Тухель (собиқ-"Боруссия "Д) бор.
