“Манчестер Сити” устози Пеп Гвардиола АПЛ 33-туридан ўрин олган Манчестер дербиси ҳақида фикр билдирди. Унинг фикрича, бу тўқнашув Гвардиола ва Моуриньонинг эмас, “Манчестер Сити” ва “Манчестер Юнайтед”нинг тўқнашуви.
“Бу масалага Англияга келган дастлабки мавсумимдаёқ ойдинлик киритганман. Аммо ҳеч нарса ўзгармаяпти. Мен ҳеч қачон Моуриньони мағлуб этмаганман, у эса мени ютмаган. Бизнинг клубларимиз бир-бирининг устидан зафар қучган. Мен Жозега қарши ўйнамайман, у эса менга қарши. Моуриньони ҳурмат қиламан. Манчестер дербиси Гвардиола ва Моуриньо қарама-қаршилиги эмас”, деди Гвардиола.
