"Севилья" бош мураббийи Винченцо Монтелла ЕЧЛ чорак финалида "Бавария"га қарши жавоб учрашуви олдидан (биринчи ўйин - 1:2) фикрлари билан ўртоқлашди.

"Ўйин 90 дақиқа давом этади. Бутун ўйин давомида интриганинг сақланиб қолиши муҳим. Биз ишончли мувозанатни топишимиз керак. Тезкор гол бизга керак эмас. Кўпроқ ўйинда қолишимиз керак. Иккинчи бўлимда иккита гол ура олишимизни биламиз, амо гол ўтказмаслигимиз керак, айниқса, танаффусдан сўнг.

Мюнхенликларнинг кўпчилик ўйинчиларида сариқ карточкалар тўпланиб қолгани бизга фойда келтирадими, билмайман, аммо умид қиламанки, уларнинг ҳаммаси ўйнамайдилар!", - дейди Монтелла.