ФИФА ҳакамлар департаменти раҳбари Массимо Бузакка "Юве" дарвозабони Жанлуижи Буффоннинг ҳакам Майкл Оливер ҳақида айтган фикрларига эътироз билдирди.

Эслатиб ўтамиз, Оливер ЕЧЛ чорак финалида "Реал" - "Ювентус" учрашувининг (1:3) сўнгги дақиқасида туринликлар дарвозасига пенальти белгилаган, бунга эътироз билдирган Буффонни четлатган, натижада пенальтини аниқ бажарган "Реал" кейинги босқичга йўл олган эди. Шундан сўнг Буффон Оливерни кескин танқид қилган эди.

"Ҳакам техник ва тартиб-интизоим чораси ҳақидаги қарорни сониянинг бир улуши давомида чиқариши керак. Шунинг учун унда қаерда турибсан, қандай ўйинни бошқаряпсан, нима бўлди, кейин ниа бўлади ва бошқа нарсаларни ўйлашга вақт бўлмайди. Ҳакам қарори - ўйлашга сониядан ҳам кам вақт бериладиган кам сонли нарсалардан бири.

Барча факторларни инобатга олиш учун ҳакамда 10 дақиқа вақт бўлганида - бошқа гап. Бу иш қийин, бунда фақат инстинктга таянилади", - дейди Бузакка.