Якшанба куни Англия чемпионлигини қўлга киритган "Манчестер Сити" вояга етмаган футболчилар билан шартнома имзолаш қоидасини бузгани учун икки муддатли трансфер тақиқига учраши мумкин.
Daily Mail хабарига кўра, "шаҳарликлар" "Велес Сарсфилд" ўйинчиси Бенжамин Гарре билан у 16 ёшга тўлганидан бир неч кун ўтиб шартнома имзолаганлар. Аргентиналиклар бу билан "Сити" 18 ёшга тўлмаган футболчилар билан шартнома имзолаш тақиқланган қоидани бузганлигини айтишмоқда.
Аммо англияликлар ҳаммаси қонун доирасида бўлганини таъкидламоқдалар, чунки Гарреда Италия паспорти бор. УЕФА қоидаларига кўра, 16 дан 18 ёшгача бўлган футболчилар, агар у Европа иттифоқи ёки Европа иқтисодий иттифоқига кирувчи мамлакат фуқароси бўлса, бошқа клубга ўтиши мумкин.
Яқин етти кун ичида арбитраж суди бу борада хулоса чиқаради.
