“Аккрингтон Стэнли” клуби футболчиси Скотт Браун уйига телефонсиз ва уйи ҳамда машинасининг калитисиз қайтди.

Гап шундаки, “Аккрингтон Стэнли” клуби ўз тарихида илк бор Англия учинчи дивизионига чиқди. Браун эса бу муваффақиятни аввал стадионда, сўнг кийим алмаштириш хонасида нишонлади, аммо бу билан тўхтамади. 32 ёшли футболчи спиртли ичимликни ҳаддан ортиқ ичгани сабаб эртаси куни нималар бўлганини эслолмади. Бу ҳақда твиттердаги саҳифасида маълум қилди: “Мен телефонимни, уйим ҳамда машинамнинг калитини йўқотдим. Уйга қандай келганимни ҳам билмайман”.