Бекободда Ўзбекистон Суперлигасининг 7-тури доирасида "Металлург" - "Пахтакор" учрашуви ниҳоясига етди.
Учрашувда меҳмонлар ҳар томонлама устунлик қилдилар ўйин ҳисоби ҳам шунга муносиб бўлди .
Ўйин бошиданоқ пойтахтликлар кескин ҳужумлар уюштирдилар. Ҳужумлар 25-дақиқага келиб ўз самарасини берди. Исмоил Гонсалвеш ҳисобни очди. Жарима зарбасидан Козак оширган тўпни Машарипов боши билан Гонсалвешга тўғрилаб берди ва Исмоил яқин масофадан дарвозани ишғол қилди.
Орадан беш дақиқа ўтар-ўтмас Дилшод Раҳматуллаев узоқ масофадан даровзани аниқ нишонга олди - 0:2. Жамоалар танаффусга шу ҳисоб билан чиқиб кетишди
"Пахтакор" иккинчи бўлимда ҳам ҳужумларни сусайтирмади. Ана шундай ҳужумларнинг бирида мезбонлар ўйинчиси Исоқжонов тўпни қўли билан ўайнагани учун пенальти белгиланди. Пенальтини Гонсалвеш аниқ баариб "дуль"га эришди.
80-дақиқада Безерра билан ажойиб комбинациядан сўнг Жалолиддин Машарипов тўпни дарвозабон ёнидан пастлатиб йўллади ва ҳисобни йириклаштирди - 0:4.
86-дақмқада Машарипов ўрнига майдонга тушган ЖУсур Яхшибоев 3 дақиқадан сўнг ҳисобни ўта йирик кўринишга олиб келди. Жарима зарбаси амалга оширилгач, Жасур яқин масофадан тўпни дарвозага аниқ йўллади - 0:5.
Суперлига, 7-тур
"Металлург" - "Пахтакор" 0:5
Голлар: Гонсалвеш 25, 74-пен, Раҳматуллаев 31, Машарипов 80, Яхшибоев 89
"Металлург": Сафоев, Шайманов, Исоқжонов, Ҳасанов, Эрматов, Файзиев, Исаев, Ҳусинов (с), Тўраев, Смоляченко, Пуришкин
Захира (Металлург): Илёсов, Тошқўзиев, Абдуллаев, Ҳошимов, Шипилов, Сатторов, Юсупов
"Пахтакор": Суюнов, Козак, Аъзамов, Симич (с), Шораҳмедов, Аҳмедов, Раҳматуллаев, Машарипов, Абдураҳимов, Безерра, Гонсалвеш
Захира (Пахтакор): Лобанов, Искандеров, Ҳакимов, Тожиев, Яхшибоев, Иброҳимов, Андреев, Сайфиев, Гриффитс.
