Bekobodda O‘zbekiston Superligasining 7-turi doirasida "Metallurg" - "Paxtakor" uchrashuvi nihoyasiga yetdi.
Uchrashuvda mehmonlar har tomonlama ustunlik qildilar o‘yin hisobi ham shunga munosib bo‘ldi .
O‘yin boshidanoq poytaxtliklar keskin hujumlar uyushtirdilar. Hujumlar 25-daqiqaga kelib o‘z samarasini berdi. Ismoil Gonsalvesh hisobni ochdi. Jarima zarbasidan Kozak oshirgan to‘pni Masharipov boshi bilan Gonsalveshga to‘g‘rilab berdi va Ismoil yaqin masofadan darvozani ishg‘ol qildi.
Oradan besh daqiqa o‘tar-o‘tmas Dilshod Rahmatullayev uzoq masofadan darovzani aniq nishonga oldi - 0:2. Jamoalar tanaffusga shu hisob bilan chiqib ketishdi
"Paxtakor" ikkinchi bo‘limda ham hujumlarni susaytirmadi. Ana shunday hujumlarning birida mezbonlar o‘yinchisi Isoqjonov to‘pni qo‘li bilan o‘aynagani uchun penalti belgilandi. Penaltini Gonsalvesh aniq baarib "dul"ga erishdi.
80-daqiqada Bezerra bilan ajoyib kombinasiyadan so‘ng Jaloliddin Masharipov to‘pni darvozabon yonidan pastlatib yo‘lladi va hisobni yiriklashtirdi - 0:4.
86-daqmqada Masharipov o‘rniga maydonga tushgan JUsur Yaxshiboyev 3 daqiqadan so‘ng hisobni o‘ta yirik ko‘rinishga olib keldi. Jarima zarbasi amalga oshirilgach, Jasur yaqin masofadan to‘pni darvozaga aniq yo‘lladi - 0:5.
Superliga, 7-tur
"Metallurg" - "Paxtakor" 0:5
Gollar: Gonsalvesh 25, 74-pen, Rahmatullayev 31, Masharipov 80, Yaxshiboyev 89
"Metallurg": Safoyev, Shaymanov, Isoqjonov, Hasanov, Ermatov, Fayziyev, Isayev, Husinov (s), To‘rayev, Smolyachenko, Purishkin
Zaxira (Metallurg): Ilyosov, Toshqo‘ziyev, Abdullayev, Hoshimov, Shipilov, Sattorov, Yusupov
"Paxtakor": Suyunov, Kozak, A’zamov, Simich (s), Shorahmedov, Ahmedov, Rahmatullayev, Masharipov, Abdurahimov, Bezerra, Gonsalvesh
Zaxira (Paxtakor): Lobanov, Iskanderov, Hakimov, Tojiyev, Yaxshiboyev, Ibrohimov, Andreev, Sayfiyev, Griffits.
