"Арсенал" раҳбарияти жамоа бош мураббийи вазифаси учун 8 мутахассис номзодини кўриб чиқмоқда, дея хабар беради BBC.
Ушбу рўйхатда 5 та тажрибали мутахассис ва "канонирлар"нинг 3 та собиқ ўйинчиси бор.
Биринчи гуруҳга Луис Энрике (собиқ-"Барселона"), Томас Тухель (собиқ-"Боруссия" Дортмунд) ва Карло Анчелотти (собиқ-"Бавария"), шунигдек "Ювентуса" устози Массимилиано Аллегри ва "Хоффенхайм" бош мураббийи Юлиан Нагельсман каби мутахассислар бор.
Шу билан бирга лондонликлар раҳбарияти жамоанинг собиқ ўйинчиларини ҳам кўриб чиқмоқда. Булар: ҳозир "Сити"да Гвардиолага ёрдам бераётган Микель Артета, "Арсенал"нинг собиқ сардори, "Нью-Йорк Сити" устози Патрик Виейра, шунингдек, лондонликлар тарихидаги энг яхши тўпурар Тьерри Анри, у 2016 йилдан буён Бельгия термаси мураббийлар штабида ишламоқда.
