Италия чемпионати навбатдаги турида “Наполи” “Ювентус”га қарши ўйнайди. Мазкур ўйинда агар неаполликлар ғалаба қозонишса, орадаги фарқ бир очкогача қисқаради.
Шу боис Маурисио Сарри ушбу матчга жиддий тайёргарлик кўрмоқда. У “Ювентус” ваҳимаси жамоасининг руҳиятига салбий таъсир қилишини истамаяпти. Шу боис шогирдларига кийим алмаштириш хонасида ҳам, машғулотларда ҳам “Ювентус” ҳақида ўйлашни ва ҳатто “Ювентус” сўзини айтишни тақиқлади. Сарри футболчиларнинг бор эътиборни рақибга эмас, ўз ўйинларига қаратишаларини хоҳламоқда.
