Italiya chempionati navbatdagi turida “Napoli” “Yuventus”ga qarshi o‘ynaydi. Mazkur o‘yinda agar neapolliklar g‘alaba qozonishsa, oradagi farq bir ochkogacha qisqaradi.
Shu bois Maurisio Sarri ushbu matchga jiddiy tayyorgarlik ko‘rmoqda. U “Yuventus” vahimasi jamoasining ruhiyatiga salbiy ta’sir qilishini istamayapti. Shu bois shogirdlariga kiyim almashtirish xonasida ham, mashg‘ulotlarda ham “Yuventus” haqida o‘ylashni va hatto “Yuventus” so‘zini aytishni taqiqladi. Sarri futbolchilarning bor e’tiborni raqibga emas, o‘z o‘yinlariga qaratishalarini xohlamoqda.
