"Наполи" бош мураббийи Маурицио Сарри "Ювентус" билан учрашув олдидан туринлик ишқибозларга ҳақоратли қилиқ кўрсатган эди.
Учрашув неаполликларнинг сафарда 1:0 ҳисобидаги ғалабаси билан тугади.
"Мен автобусимизга тупурган ва неаполлик бўлганимиз учун бизни ҳақорат қилган одамлар гуруҳига жавоб бердим. Бу ишорани ҳеч қачон одамларга "Юве" ишқибози бўлганлиги учун кўрсатмаганман.
"Ювентус"нинг аксарият мухлислари ажойиб инсонлар, меҳмонхонада ҳатто бир ғаройиб мухлис билан ҳазиллашдик ва кулишдик. Воқеа эса бизга тупурган ва ҳақорат қилганлар сабабли содир бўлди", - дейди Сарри.
