"Наполи" яримҳимоячиси Лоренцо Инсинье А сериянинг 34-турида "Ювентус" устидан қозонилган ғалабадан сўнг (1:0) чемпионлик кураши ҳақида гапирди.
"Ҳозир бу қойилмақом ғалабадан завқ оламиз, ахир "Наполи" Туринда 9 йилдан буён ғалаба қозонмаган эди. Олдинда 4 тур бор ва биз бир очкога ортда қоляпмиз - ҳамма кураш олдинда. Биз "Юве"ни хатосини кутамиз, аммо ўзимиз ҳам хато қилсак, бугунги ғалабанинг аҳамияти қолмайди.
Бугун ҳар бир ўйинчи майдонда ўзини қурбон қилди. Биз бир амоа бўлиб ўйнадик, анчадан буён бундай бўлмаган эди. Мураббий биздан айнан шуни сўраган эди", - дейди Инсинье.
