Солиқни яширганликда айбланаётган "Реал" ҳужумчиси Криштиану Роналду суддан "Барселона" ҳужумчиси Лионель Мессининг худди шунга ўхшаш ишини кўриб чиқишга рухсат сўради, дея хабар беради 20minutos.
Португалиялик футболчининг фикрига кўра, унга нисбатан бутунлай бошқа объектив мезонлар қўлланилмоқда. Шунинг учун ўз ишини Мессига нисбатан олиб борилган ишга солиштиришни сўради. Судья Роналдунинг талабини ножоиз деб топди.
Тергов талқинига кўра, Роналду 2011 йилдан 2014 йилгача 15 миллион евро миқдорида солиқни яширган.
Аввалроқ, агар Роналду 25 миллион товон пули тўласа, иш ёпилиши мумкинлиги хабар қилинган эди.
