Soliqni yashirganlikda ayblanayotgan "Real" hujumchisi Krishtianu Ronaldu suddan "Barselona" hujumchisi Lionel Messining xuddi shunga o‘xshash ishini ko‘rib chiqishga ruxsat so‘radi, deya xabar beradi 20minutos.

Portugaliyalik futbolchining fikriga ko‘ra, unga nisbatan butunlay boshqa ob’ektiv mezonlar qo‘llanilmoqda. Shuning uchun o‘z ishini Messiga nisbatan olib borilgan ishga solishtirishni so‘radi. Sudya Ronalduning talabini nojoiz deb topdi.

Tergov talqiniga ko‘ra, Ronaldu 2011 yildan 2014 yilgacha 15 million yevro miqdorida soliqni yashirgan.

Avvalroq, agar Ronaldu 25 million tovon puli to‘lasa, ish yopilishi mumkinligi xabar qilingan edi.