"Наполи"нинг 20 мингдан ортиқ мухлиси А серияда "Ювентус" устидан қозонилган ғалабани (1:0) нишонлаш учун Неаполь кўчаларига чиқишди, дея хабар беради Footbal Italia.
Мухлислар машъала ёқдилар, фаввораларда чўмилдилар. Мухлисларнинг бир қисми жамоани кутиб олиш учун аэропортга йўл олдилар. ШУ сабабли йўлларда автомобиль "тиқин"лари юзага келди. Тунги соат 3:00да жамоа Неаполга етиб келганда, уни 15 минг мухлис аэропортда кутиб турган эди.
Ушбу ғалабадан сўнг "Наполи" чемпионлик учун курашда "Ювентус" билан очколар сонини биттагача қисқартирди.
"Наполи" охирги марта 25 йил аввал Италия чемпионлигини қўлга киритган (1989/1990).
