"Манчестер Юнайтед" бош мураббийи Жозе Моуриньо "Челси" раҳбарияти Муҳаммад Салоҳни "Рома"га сотиб юборганини айтди.

"Мен ҳақимда яна бир адолатсизлик қилишмоыда. Одамлар мени Салоҳни сотиб юборганликда айблашмоқда, аммо ҳаммаси акси бўлганди - мен уни сотиб олгандим. Мен Салоҳни сотиб олиш ҳақида "Челси"га айтган одамман.

Муҳаммад "Челси"га келганида, у бола эди. У жисмонан ҳам руҳан ҳам тайёр эмасди. Маиший ва маданий томонлама у ўзини йўқотилгандек сезар ди. Унга анча қийин эди. Биз уни ижарага беришга қарор қилдик, буни унинг ўзи сўраганди. Салоҳ етук футболчи бўлиб етишиш учун кўпроқ ўйнашни хоҳлаганди. Биз уни "Фиорентина"га юбордик, у ерда у етук футболчига айланишни бошлади.

Уни сотишга "Челси" қарор қилган. Салоҳни сотишни мен таклиф қилганим ҳақида гапирган одам - ёлғончи. Уни мен сотиб олгандим ва ижарага беришга қарор қилдим. Чунки шундай қилган маъқул ди. "Челси"да етук вингерлар бор эди масалан, Виллиан ва Азар. Улар ўшанда мутлақо бошқача савияда эдилар.

Салоҳни ижарага бериш фикри - жамоавий қарор эди. Аммо уни сотиб юбориб, ўрнига бошқа футболчи сотиб олиш фикри - меники эмас. Агар шундай қарор чиқарган тақдиримда ҳам, футболда ҳатоларга йўл қўйиб турамиз. Футболчилар баъзан шу қадар ўсишга эришадиларки, буни кутмайсан. Бошқа футболчилар кутилган савияга чиқа олмайдилар. Шунинг учун, ўйлайманки, бу хато эди, бу ишимизни бир қисми.

Мен ҳақиқатан ҳам Салоҳни сотиб олгандим, сотганим йўқ, бу аҳамиятсиз. Асосийси - у фантастик ўйинчи. Мен унинг бу даражага етганидан ҳақиқатан хурсандман. Айниқса, унинг ҳаммага гол уриб, иккита ўйинда бизга урмаганидан ҳам", - дейди Моуиньо.