“Бунёдкор” – “Локомотив” учрашувидан кейинги матбуот анжуманининг иккинчи қисмида “қалдирғочлар” вакиллари иштирок этишди.

- Ўйин ҳақида нима дейиш мумкин? Нима бўлганда ҳам “Бунёдкор” охиригача курашади. Ўтган турда Наманганда мағлубиятга лойиқ эмасдик. Бугун ҳам ўйлашимча, ютқазишимиз керак эмасди. Очиқ ва томошабоп ўйин гувоҳига айландик. Чиройли комбинациялар ва ҳужумлар кўп бўлди. Бундан энг аввало стадионга келган кўп минг сонли ишқибозлар ютишди, деб ўйлайман. Стадионга келиб, жамоаларни қўллаб-қувватлаган мухлисларга катта раҳмат дейман. Қилинган меҳнатлар охирги дақиқаларда чиппакка чиққани аламли бўлди. Бу каби мағлубиятлар бизни янада кучлироқ қилади, - дейди “Бунёдкор” устози Миржалол Қўшоқович.

- Бизни осон ўйин кутмаётганини олдиндан билардик. Стадионга келган мухлисларга миннатдорчилик билдираман. Жамоадошларим билан ғалаба қозониш учун боримизни бердик. Аммо бу етарли бўлмади, - дейди “Бунёдкор” сафида учрашувнинг энг яхши футболчиси, деб топилган Муроджон Зуҳуров.