Италия чемпионатининг 35-турида "Интер" ўз майдонида "Ювентус"га мағлуб бўлди.

Бу учрашув шуниси билан ҳам муҳим эдики, "Ювентус" скудетто учун курашаётган ва рақобатчсиси "Рома"да атиги бир очко олдинда бўлса, "Интер" чемпионлар лигасига йўлланма берувчи тўртликка кириш учун "Рома" ва "Наполи" билан курашаётган эди.

Ўйин қизиқиарли бўлди. Биринчи бўлим Дуглас Костанинг голи эвазига туринликларнинг устунлиги билан тугади. Иккинчи бўлим бошида Мауро Икарди ҳисобни тенглаштирди.

65-дақиқада Барцальи ўз дарвозасига гол уриб жамоасини скудеттондан маҳрум қилай деди. Меҳмонларнинг автоголига мезбонлар ҳам худди шу усулда жавоб бердилар. Асосий вақт тугашига уч дақиқа қолганида Шкринькяр ўз дарвозасини ишғол қилди. Орадан икки дақиқа ўтиб Игуаин ғалаба тўпини киритди.

Таъкидлаш жоиз, "Интер" деярли бутун ўйинни бир киши кам бўлиб ўтакзди, яримҳимоячи Весино 18-дақиқда майдондан четлатилган эди.

Интер – Ювентус 2:3 (0:1, 2:2)
Голлар: 0:1 – 13 Дуглас Коста, 1:1 – 52 Икарди, 2:1 – 65, автогол Бардзальи, 2:2 – 87, автогол Шкриньяр, 2:3 – 89 Игуаин.

Интер – Ханданович, Жоау Канселу, Шкриньяр, Миранда, Д`Амброзио (Карамо, 90), Весино, Брозович, Кандрева, Рафинья (Валеро, 81), Перишич, Икарди (Сантон, 85).

Ювентус – Буффон, Куадрадо, Ругани, Бардзальи, Алекс Сандро, Хедира (Дибала, 61), Пьянич (Бентанкур, 80), Матюиди, Дуглас Коста, Игуаин, Манджукич (Бернардески, 66).
Огоҳлантиришлар: Куадрадо (5), Пьянич (21), Бардзальи (45), Манджукич (52), Д`Амброзио (58), Алекс Сандро (77), Брозович (88).
Четлатиш: Весино (18).