Аввалроқ, Ўзбекистонлик боксчи Шоҳжаҳон Эргашев АҚШда профессионал фаолиятидаги 13-жангини ўтказиб, унда ғалаба қозонгани ҳақида хабар берган эдик.

Шоҳжаҳон Бруклинда WBA International чемпионлик камари учун жангда хитойлик Ванг Жимин билан рингга чиқди ва 100:90, 99:91, 100:90 ҳисоблари билан рақибидан устун келди.

Шоҳжаҳон профессионал фаолиятида илк марта жангни охирги раундгача ўтказди. Боксчи бундан олдинги 12 жангининг барчасида муддатидан аввал ғалаба қозонганди.

Қуйидаги видеода Шоҳжаҳон Эргашев профессионал фаолиятида 13-рақибини қандай мағлуб этгани акс этган.

Шунингдек, фарғоналик боксчи ўзининг ғалабасини Ўзбекистон Республикаси Президенти Шавкат Мирзиёев ва бутун Ўзбекистон халқига бағишлади.