Avvalroq, O‘zbekistonlik bokschi Shohjahon Ergashev AQSHda professional faoliyatidagi 13-jangini o‘tkazib, unda g‘alaba qozongani haqida xabar bergan edik.
Shohjahon Bruklinda WBA International chempionlik kamari uchun jangda xitoylik Vang Jimin bilan ringga chiqdi va 100:90, 99:91, 100:90 hisoblari bilan raqibidan ustun keldi.
Shohjahon professional faoliyatida ilk marta jangni oxirgi raundgacha o‘tkazdi. Bokschi bundan oldingi 12 jangining barchasida muddatidan avval g‘alaba qozongandi.
Quyidagi videoda Shohjahon Ergashev professional faoliyatida 13-raqibini qanday mag‘lub etgani aks etgan.
Shuningdek, farg‘onalik bokschi o‘zining g‘alabasini O‘zbekiston Respublikasi Prezidenti Shavkat Mirziyoyev va butun O‘zbekiston xalqiga bag‘ishladi.
