"Бавария" бош мураббийи Юпп Ҳайнкес ЕЧЛ яримфиналининг икки ўйини натижаларига кўра "Реал"дан учралган мағлубият ҳақида гапирди (3:4).
"Ҳар икки ўйинда биз "Реал"дан яхши ўйнадик. Биз биринчи бўлимда дунё даражасидаги ўйин кўрсатдик, аммо катта хатомиз ҳаммасини йўққа чиқарди. Биринчи ўринда ортга бундай пас узатилмаслиги керак эди.
"Реал"нинг энг яхши ўйинчиси Кейлор Навас бўлди. Левандовски билан боғлиқ вазият? Менимча, кимдир тўлқинни бошлаб беради ва ҳамма журналистлар бунга қўшиладилар. Мен вазиятни бошқача кўрмайман.
Пенальти? Албатта, видеони кўрдим, бу ерда тоза фол бор эди. Аммо мен нолимоқчи ёки шикоят қилмоқчи эмасман. Биз вазиятларимиздан шу қадар кўп фойдалана олмадикки, ҳакамлардан шикоят қилишга ўрин қолмади", - дейди Ҳайнкес.
