"Милан" клуби янги мавсумда Европа лигаси мусобақасида қатнашиш имконияти берувчи УЕФА лицензиясини қўлга киритди.
Аввалроқ УЕФА молиявий фэйр-плей қоидаларига амал қилмагани учун миланликларни еврокубокларга қўймаслиги хабар қилинган эди. Декабрь ойида УЕФА тергов палатаси "Милан" билан ихтиёрий келишувдан бош тортган эди.
УЕФА А сериянинг 14 клубига лицензия берди, шу жумладан "Милан"га ҳам. "Россонери" чемпионат тугашига икки тур қолганида 60 очко билан 6-ўринда бормоқда. БУ Европа лигаси мусобақаси йўлланмасини беради.
"Кальяри", "Кьево", "Кротоне", "Беневенто", "Вероне" ва СПАЛ клублари УЕФА лицензиясини ола билмадилар.
