“Манчестер Сити” АПЛ қолдирилган ўйинида “Брайтон”ни 3:1 ҳисобида мағлубиятга учратди. Бу билан “шаҳарликлар” АПЛда 3 та рекорд ўрнатишди.
Биринчидан, жамоа айни дамда 97 очко тўплади. 1992 йилдан бери ҳали ҳеч бир клуб АПЛда бунча очко жамғармаган.
Иккинчидан, Гвардиола жорий мавсумда 31-ғалабасини нишонлади, бу натижа ҳам ҳали ҳеч бир клуб томонидан қайд этилмаган.
Учинчидан, “Манчестер Сити” “Брайтон”га қарши ўйинда 103, 104 ва 105-голларини киритди. Шу вақтга қадар сермаҳсуллик борасидаги рекорд “Челси”га тегишли эди — 103 та гол.
