Про-Лига 8-тури доирасида Нукусда “Орол” жамоаси меҳмони бўлган “Динамо” жамоаси мағлубиятга учраб, “А” гуруҳи турнир жадвалида сўнгги поғонага тушди.
Учрашувни уч ҳужумчи билан бошлаган “Динамо” жамоаси дастлабки дақиқалардан Сафаров-Мамазулумов-Қўзибоев “триоси”да ҳаракат қилди. Аммо 25-дақиқада Мамазулумов ўрнига Марадона Сафаров туширилди.
“Динамо” ҳужумкор таркибда майдонга тушган бўлсада, ҳисобни мезбонлар очишди. Руслан Мусаев жарима зарбасидан кейин голга муаллиф бўлди, 1:0.
Иккинчи бўлимнинг 61-дақиқасида мезбонлардан Наврўз Алимов ҳисобдаги фарқни иккитага етказди, 2:0.
Голдан кейин ниҳоят “уйғонган” меҳмонлар икки дақиқадан кейин ҳисобни қисқартиришди. Зоҳир Қўзибоев гол муаллифига айланди, 2:1.
Учрашувнинг қолган қисмида “Динамо” мувозанатни тиклаш учун ҳар қанча интилмасин, нукуслик футболчилар ғалабали ҳисобни сақлаб қолишди. Ушбу мағлубиятдан кейин “Динамо” “А” гуруҳида сўнгги ўринга тушиб кетди...
Олдинда жамоани 14 май куни “Андижон”га қарши учрашув кутиб турибди.
Про-Лига. 8-тур. 10 май (пайшанба)
«ОРОЛ» - «ДИНАМО» - 2:1
Голлар: Р.Мусаев, 11, Н. Алимов 61 - З.Қўзибоев 63.
«Орол»: Элдор Шухратбеков, Расул Мусаев, Ислом Сейтназаров, Алишер Сабуров, Нурлибек Таласбоев, Дамир Низанов, Алберт Содиқов, Шариёр Каримбоев, Бахтиёр Авазов (Мирас Карлибоев, 46), Азамат Бобожонов, Наврўз Алимов (Наврўзбек Хаипов, 70).
«Динамо»: 1. Шохруҳ Эшбўтаев, 2. Миркомил Локаев, 17. Жасур Азимов, 23. Комил Шарофуддинов, Жасур Ашуров, 6. Акмал Бозоров, 7. Илҳом Юнусов, 10. Мўйдин Мамазулумов (19. Марадона Сафаров, 25, 4. Ҳакимхон Аламхонов, 62), 20. Амиржон Сафаров (Фирдавс Абдусалимов, 62), 24. Мирзабек Жониқулов, 28.Зоҳир Қўзибоев.
Захира: 27. Шохруҳ Раимов, , 26. Далержон Алмосжонов, , 41. Жасур Қурбонов, 70. Азизбек Суюнов.
Четлатиш: Мирас Карлибоев (Орол), 82.
