Лиссабоннинг "Спортинг" клуби ҳимоячиси Фабиу Коэнтрау терма жамоаси сафида жаҳон чемпионатида иштирок этмасликни маъқул кўрди.
"Ўтган ҳафтада узоқ ўйлаб кўрганимдан сўнг терма жамоа вакилларига жаҳон чемпионатида иштирок этмаслигимни айтдим. Мен жуда қийин мавсумни ўтказдим ва Португалия терма жамоаси либосини кийиш учун ўзимни яхши формада ҳис қилмаяпман.
Ўз ватанимдан ҳеч қачон кечмайман, келаакда терма жамоада ўйнашни давом эттиришим мумкин. Ҳозирча, терма жамоани мухлис сифатида қўллаб-қувватлайман. Тез орада кўришамиз. Омад йигитлар", - дейди Коэнтрау.
Фабиу Коэнтрау 2009 йилдан буён Португалия термасига чақирилиб келмоқда. Португалияликлар ЖЧ-2018да Испания, Мароккаш ва Эрон терма жамоалари билан бир гуруҳда кураш олиб боради.
