Осиё футболи тарихида ҳисоб бўйича 17-марта ташкиллаштириладиган қитъа чемпионати эски танишларнинг янги танишувлари билан ёдда қоладиган бўлди.
Ҳар ҳолда, қуръа натижасида битта гуруҳдан жой олган жамоалар олдинги финал босқичларида ҳам кўп бора ўзаро учрашган. Хусусан, охирги Осиё кубогига қарасак, бундай ўйинлар сони 3та.
Умуман, бугунги гуруҳдошлар чемпионат тарихида жами 20 марта бир-бирларига дуч келишган. Дейлик, Ўзбекистон миллий жамоаси бунга қадар бўлажак рақиблари - Япония ва Туркманистон термалари билан Осиё кубоги финал раундида 3 бора тўқнаш келган.
Айтиш жоиз, 2004 йили Япония термаси чемпионлик мақомини ҳимоя қилганидан буён амалдаги ғолиб кейинги турнир шоҳсупасига кўтарилолмаяпти.
Шуни назарда тутсак, ОК-2015 чемпиони - Австралия термаси бу сафар гуруҳ раунддидаёқ рақибларнинг жиддий қаршилигига тайёр туриши керак.
Мисол учун, сурияликларнинг осонгина таслим бўлмасликлари тайин. Энди бўлажак турнир гуруҳ босқичида ўзаро рақобатлашадиган жамоаларнинг аввалги чемпионатларга боғлиқ ҳисоб-китобларини кўриб чиқсак...
«А» гуруҳи: БАА, Таиланд, Ҳиндистон, Баҳрайн
ОК-84 (Сингапур). 14 январь. Сингапур. «Миллий» стадиони. 2000 томошабин. Гуруҳ босқичи. БАА - Ҳиндистон - 2:0. Голлар: Аднан ал Таля-ни (81), Фаҳад Ҳамис (88). Ҳакам: Абу Воҳид Шанбе (Уммон).
ОК-2011 (Қатар). 14 январь. Доха. «Жассим бин Ҳамад» стадиони. 11032 томошабин. Гуруҳ босқичи. Баҳрайн - Ҳиндистон - 5:2. Голлар: Фавзи Айш (8-пен.), Исмоил Абдуллатиф (16, 19, 35, 77) - Гоураманги Сингх (9), Сунил Четри (52). Ҳакам: Субҳиддин Моҳд Солиҳ (Малайзия).
Таиланд термаси гуруҳдаги рақиблари билан Осиё кубоги финал босқичида илк бора баҳслашади.
---------------------------------------------
«В» гуруҳи: Австралия, Сурия, Фаластин, Иордания
ОК-2015 (Австралия). 16 январь. Мельбурн. «Мельбурн тўғрибурчаги» стадиони. 10808 томошабин. Гуруҳ босқичи. Фаластин - Иордания - 1:5. Голлар: Жака Инбейшеҳ (84) - Юсуф ал Равадшеҳ (32), Ҳамза ал Дар-дур (34, 45+2, 75, 79). Ҳакам: Ким Йонг Хеок (Ж.Корея).
Австралия ва Сурия термалари гуруҳдаги рақиблари билан Осиё кубоги финал босқичида илк бора баҳслашади.
---------------------------------------------
«С» гуруҳи: Ж.Корея, Хитой, Қирғизистон, Филиппин
ОК-88 (Қатар). 14 декабрь. Доха. «Қатар СК» стадиони. 1000 томошабин. Ярим финал. Ж.Корея - Хитой - 2:1 (қўш. вақт). Голлар: Ли Таэ Хо (93, 103) - Маи Чао (100). Ҳакам: Винсент Мауро (АҚШ).
ОК-2000 (Ливан). 13 октябрь. Триполи. «Олимпия» стадиони. 1000 томошабин. Гуруҳ босқичи. Ж.Корея - Хитой - 2:2. Голлар: Ли Йонг Пё (30), Нох Жунг Йоон (58) - Су Мао Чжен (36), Фан Жийи (66-пен.). Ҳакам: Умар ал Меҳаннаҳ (С.Арабистони).
ОК-2000 (Ливан). 29 октябрь. Байрут. «Спортс Сити» стадиони. 20000 томошабин. 3-ўрин учун. Ж.Корея - Хитой - 1:0. Гол: Ли Донг Гук (76). Ҳакам: Набил Айяд (Ливан).
Қирғизистон ва Филиппин термалари Осиё кубоги дебютантлари ҳисобланади.
---------------------------------------------
«D» гуруҳи: Эрон, Ироқ, Вьетнам, Яман
Ироқ - Эрон қарама-қаршилиги Осиё кубоги классикасига айланиб улгурган - ўзаро 6та ўйин.
ОК-72 (Таиланд). 9 май. Бангкок «Миллий» стадиони. 5000 томошабин. Гуруҳ босқичи. Эрон - Ироқ - 3:0. Голлар: Ҳусайн Калони (34, 70, 78). Ҳакам: Сивапалан Катхиравал (Малайзия).
ОК-76 (Эрон). 4 июнь. Теҳрон. «Арямеҳр» стадиони. 50000 томошабин. Гуруҳ босқичи. Эрон - Ироқ - 2:0. Голлар: Носир Нураи (45), Ҳасан Равшан (58). Ҳакам: Марьян Раус (Югославия).
ОК-96 (БАА). 5 декабрь. Дубай. «Ал Мактум» стадиони. 15000 томошабин. Гуруҳ босқичи. Эрон - Ироқ - 1:2. Голлар: Али Даи (90-пен.) - Ҳуссам Фавзи (37), Холид Саббар (69). Ҳакам: Масайоши Окада (Япония).
ОК-2000 (Ливан). 18 октябрь. Сидон. «Саида» стадиони. 8582 томошабин. Гуруҳ босқичи. Эрон - Ироқ - 1:0. Гол: Али Даи (77). Ҳакам: Умар ал Меҳаннаҳ (С.Арабистони).
ОК-2011 (Қатар). 11 январь. Ал-Райян. «Аҳмад бин Али» стадиони. 10478 томошабин. Гуруҳ босқичи. Ироқ - Эрон - 1:2. Голлар: Юнус Маҳмуд (13) - Ғуломризо Ризои (42), Имон Мобали (84). Ҳакам: Равшан Эрматов (Ўзбекистон).
ОК-2015 (Австралия). 23 январь. Канберра. «Канберра» стадиони. 18921 томошабин. Чорак финал. Эрон - Ироқ - 3:3 (пен. - 6:7). Голлар: Сардор Азмун (24), Муртазо Пуралиганжи (103), Ризо Гужанна-жод (118) - Аҳмад Ёсин (56), Юнус Маҳмуд (93), Дургам Исмоил (116-пен.). Ҳакам: Бенжамин Уильямс (Авс-тралия).
Вьетнам термаси гуруҳдаги рақиблари билан Осиё кубоги финал босқичида илк марта баҳслашади. Яман термаси Осиё кубоги дебютанти ҳисобланади.
---------------------------------------------
«Е» гуруҳи: С.Арабистони, Қатар, Ливан, КХДР
ОК-84 (Сингапур). 8 декабрь. Сингапур. «Миллий» стадиони. 15000 томошабин. Гуруҳ босқичи. Қатар - С.Ара-бистони - 1:1. Голлар: Али Муҳаммад Зайд (47) - Муҳаммад Абдулжа-вад (65). Ҳакам: Антони Маркес (Мексика).
ОК-92 (Япония). 31 октябрь. Хиросима. «Хиросима» стадиони. 4000 томошабин. Гуруҳ босқичи. С.Арабистони - Қатар - 1:1. Голлар: Холид ал Муваллад (86) - Муборак Мустафо (74). Ҳакам: Нежи Жоуни (Тунис).
ОК-2000 (Ливан). 17 октябрь. Сидон. «Саида» стадиони. 5000 томошабин. Гуруҳ босқичи. С.Арабистони - Қатар - 0:0. Ҳакам: Тожиддин Фарис (Сурия).
ОК-2015 (Австралия). 14 январь. Мельбурн. «Мельбурн тўғрибурчаги» стадиони. 12349 томошабин. Гуруҳ босқичи. КХДР - С.Арабистони - 1:4. Голлар: Рянг Йонг Ги (12) - Наиф Ҳазазий (37), Муҳаммад ал Саҳлавий (52, 54), Наваф ал Обид (76). Ҳакам: Абдуллоҳ ал Ҳилолий (Уммон).
Ливан термаси гуруҳдаги рақиблари билан Осиё кубоги финал бос-қичида илк марта баҳслашади.
«F» гуруҳи: Япония, Ўзбекистон, Уммон, Туркманистон
ОК-96 (БАА). 9 декабрь. Ал-Айн. «Тахнун бин Муҳаммад» стадиони. 2000 томошабин. Гуруҳ босқичи. Япония - Ўзбекистон - 4:0. Голлар: Хироши Нанами (7), Казуёши Миура (37), Масакийо Маэ-зоно (86, 90). Ҳакам: Жалол Моради (Эрон).
ОК-2000 (Ливан). 17 октябрь. Сидон. «Саида» стадиони. 2000 томошабин. Гуруҳ босқичи. Япония - Ўзбекистон - 8:1. Голлар: Хироаки Моришима (7), Акинори Нишизава (14, 25, 49), Наохиро Такахара (18, 20, 57), Хидеаки Китажима (79) - Сергей Лушан (29). Ҳакам: Шамсул Майдин (Сингапур).
Факт. Шу ўйинда қатнашган футболчиларимиздан Бахтиёр Ашурматов, Андрей Фёдоров, Сергей Лушан ва Даврон Файзиев аллақачон мураббийлик ишини бошлашди. Япония термаси таркибида майдонга тушган энг ёши катта футболчи Хироаки Моришима эди (28 ёш).
ОК-2004 (Хитой). 20 июль. Чонгкинг. «Чонгкинг Олимпик Спортс Сентр» стадиони. 35000 томошабин. Гуруҳ босқичи. Япония - Уммон - 1:0. Гол: Шунсуке Накаму-ра (33). Ҳакам: Марк Шильд (Авс-тралия).
ОК-2004 (Хитой). 26 июль. Чонгкинг. «Чонгкинг Олимпик Спортс Сентр» стадиони. 34000 томошабин. Гуруҳ босқичи. Туркманистон - Ўзбекистон - 0:1. Гол: Миржалол Қосимов (84). Ҳакам: Муҳаммад Кусай (Сурия).
Шу пайтгача Осиё кубогида Япония - Туркманистон, Уммон - Туркманистон, Ўзбекистон - Уммон тўқнашувлари кузатилмаган.
---------------------------------------------
Биласизми? Игнатий Нестеров, Сервер Жепаров ва Темур Кападзе кетма-кет 4та (2004, 2007, 2011 ва 2015 йиллар) Осиё кубогида иштирок этишган. Улардан таш-қари, Ясухито Эндо (Япония), Юнус Маҳмуд (Ироқ), Сауд Ҳаририй (С.Арабистони), Жавод Некунам (Эрон), Билол Муҳаммад (Қатар) каби футболчилар ҳам охирги 4та Осиё чемпионатида қатнашишган. Умуман, Осиё кубогида 4 мартадан иштирок этиш атиги жами 11 нафар футболчига насиб қилган.
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
