Ўзбекистон аҳлини 23 июнь куни катта спорт байрами кутиб турибди. Ўша куни юртимизда Халқаро Олимпия куни кенг нишонланади. Айни пайтда ушбу тантанали тадбирга тайёргарлик қизғин давом этмоқда.
Бугун Миллий олимпия қўмитаси ташаббуси билан Халқаро олимпия кунига бағишланган югуриш мусобақалари бўлиб ўтди. Унда 7 ёшдан 70 ёшгача бўлган 2200дан ортиқ ҳаваскор спортчилар 18та ёш тоифасида беллашдилар.
Мусобақа ғолиблари 23 июнь куни «Бунёдкор» стадионида бўлиб ўтадиган Республика босқичида иштирок этиш ҳуқуқини қўлга киритдилар.
Сайтимизни ва ижтимоий тармоқдаги саҳифаларимизни кузатиб боринг, мусобақаларда фаол қатнашинг ва катта спорт байрамида иштирок этиш ҳуқуқини қўлга киритинг!
