Фарғонада мини-футбол бўйича олий таълим муассасалари талабалари ўртасида ўтказиладиган «Олимпия юлдузлари» мусобақасига старт берилди.
Миллий олимпия қўмитаси ташаббуси билан ўтказилаётган мусобақада жамоалар бешта ҳудудга бўлинган ҳолда ўзаро кураш олиб борадилар. Айни пайтда «А» гуруҳида Андижон, Наманган ва Фарғона вилоятлари талаба-спортчилари ғолиблик учун ўйин ўтказмоқдалар.
Фарғонадаги ўйинлар якунига етганидан сўнг кетма-кетликда Тошкент, Самарқанд, Қашқадарё ва Бухорода навбатдаги ҳудудий баҳслар бўлиб ўтади.
Якуний финал ўйинлари эса июнь ойида Тошкент шаҳрида ташкил қилинади.
