Farg‘onada mini-futbol bo‘yicha oliy ta’lim muassasalari talabalari o‘rtasida o‘tkaziladigan «Olimpiya yulduzlari» musobaqasiga start berildi.
Milliy olimpiya qo‘mitasi tashabbusi bilan o‘tkazilayotgan musobaqada jamoalar beshta hududga bo‘lingan holda o‘zaro kurash olib boradilar. Ayni paytda «A» guruhida Andijon, Namangan va Farg‘ona viloyatlari talaba-sportchilari g‘oliblik uchun o‘yin o‘tkazmoqdalar.
Farg‘onadagi o‘yinlar yakuniga yetganidan so‘ng ketma-ketlikda Toshkent, Samarqand, Qashqadaryo va Buxoroda navbatdagi hududiy bahslar bo‘lib o‘tadi.
Yakuniy final o‘yinlari esa iyun oyida Toshkent shahrida tashkil qilinadi.