"Реал" раҳбарияти ва мураббийлар штаби кучайтириш лозим бўлган асосий чизиқларни аниқлаб олди.

Булар дарвозабон, марказий ҳимоячи, ўнг қанот ҳимоячиси ва ҳужумчи.

Агар "Реал" Неймар билан келиша олса, Гарет Бэйл жамоани тарк этади, шунда мадридликлар ушбу учликдан бирини сотиб олиши керак бўлади: Муҳаммад Салоҳ («Ливерпуль»), Эден Азар («Челси»), Пауло Дибала («Ювентус»).

Дарвозабон масаласида асосий номзод - "Рома" посбони Алиссон бўлиб турибди. Ўнг қанот ҳимоясига Альваро Одриосола ("Реал Сосьедад") кўзланмоқда.

Ҳимоя марказига номзодлар Хосе Хименес ("Атлетико"), Милан Шкриньяр ("Интер") ва Алессио Романьоли ("Милан").

Одриосоланинг товон пули - 40 млн евро, Хименесники – 60 миллион, Шкриньяр ва Романьоли ҳам деярли шу нархда. Алиссон - дунёда энг қиммат дарвозабон бўлиб турибди