«Шўртан» - «Динамо» (0:3) учрашувидан кейин “Динамо” бош мураббийи Даврон Файзиев ўйин борасидаги фикрларини билдирди.

“Ғалаба қозониш ҳар доим ёқимли, лекин ғалаба билан мағлубият ҳар доим ёнма-ён юради. Мени қувонтираётгани жамоамиз тобора ўз ўйинини топиб бораётгани. Ҳозирда ҳеч қандай бўшашга ҳақимиз йўқ. Сабаби олдинда бизни муҳим баҳслар кутиб турибди. Бу ғалаба бизни янада кучайтириши керак. Йигитларда ўзларига ишонч яна қайтаётганидан хурсандман. Ўйлайманки, энди шу темпни сақлаб қолиб, ишлашда давом этамиз.

Чинданам бугунги “Шўртан” устидан қозонилган ғалаба “Динамо”нинг жорий мавсумдаги энг муҳим ғалабаси ва энг чиройли ўйинларидан бири бўлди. Лекин бу билан тўхтаб қолиш ярамайди. Олдинда “Сурхон”га қарши муҳим баҳс кутиб турибди. Эртаданоқ ўйинга тайёргарлик кўрамиз.

Бугунги ғалабамизда бизни ҳар қандай ҳолатда ҳам қўллаб-қувватлаётган мухлисларимизнинг ҳам ҳиссалари бор. Самарқанддан Ғузорга келиб стадионда жамоани қўллаб турганликлари йигитларга таъсир қилди. “Динамо” ўз мухлисларини хурсанд этиши учун ишлашда давом этамиз” – дея фикрини якунлади Даврон Файзиев.