Ўзбекистон футбол ассоциацияси томонидан Ўзбекистонда футбол ҳакамлари малакасини янада ошириш ва ёш ҳакамларни танлаб олиб, уларни тажрибали ҳакамлар савиясига олиб чиқиш борасида бир қатор чора-тадбирлар амалга оширилмоқда.
Жумладан, Ўзбекистон футбол ассоциацияси томонидан ёш ҳакамларни танлаб олиш ва тайёрлаш мезонлари ишлаб чиқилди. Ана шу мезонлар асосида ёш ҳакамларни танлаб олиш ишлари Республикамиз вилоятларини 4та ҳудудга бўлган ҳолда олиб борилаётгани ҳақида аввал хабар бериб ўтгандик.
Бугунги кунга қадар бир қатор вилоятлар бўйлаб ана шундай семинарлар ташкил қилинди. 6 июнь куни ёш ҳакамларни тайёрлаш бўйича семинар Андижонда бошланди.
Эътиборли томони Андижондаги семинар Қирғизистон футбол федерацияси билан ҳамкорликда ўтказилиб, ушбу семинарда қирғизистонлик ёш ҳакамлар ҳам қатнашяпти. Семинар бугун 7 июнь куни ўз ниҳоясига етади.
Ҳудудлардан саралаб олинган ёш ҳакамлар шу йилнинг октябрь ойида Тошкентда ўтказиладиган семинар-танловда қатнашиб, келажакда ҳакамлик фаолияти билан профессионал тарзда шуғулланиш имкониятини қўлга киритиш имконига эгалар.
