Навоий шаҳрида ёшлар ўртасида пневматик қуролдан ўқ отиш бўйича Ўзбекистон кубогининг учинчи босқичи қизғин давом этмоқда.
Мусобақаларнинг дастлабки куни иштирокчилар пневматик тўппончадан ўқ узиш бўйича маҳоратларини ишга солишди. Натижаларга кўра, наманганлик Мухаммад Камолов 222 очко жамғариб биринчи, Тошкент вилояти спортчиси Абдураҳмон Анарбоев 220 очко билан иккинчи, фарғоналик Шоҳжаҳон Махмудов 197 очко билан учинчи ўринни қўлга киритди.
Қизлар ўртасидаги беллашувларда эса Ирода Азимбоева (Тошкент вилояти) биринчи ўринни банд этди. Мақсуда Керимова (Хоразм) ва Бону Тиловбердиева (Тошкент вилояти) мос равишда иккин ва учинчи ўринни эгаллашди.
Республика техник ва амалий спорт турлари маркази томонидан ўтказилаётган мусобақаларнинг навбатдаги кунларида иштирокчилар пневматик милтиқдан ўқ отиш бўйича баҳс олиб борадилар.
